Veldeke Krink Ech

Info

Op deze pagina vindt u activiteiten en nieuwtjes van Kring Veldeke Echt.

Geschiedenis

Veldeke krink Ech waerdje opgerich in 1977 en haef óngevieër ‘n 200 leje oet de gemèndje Ech-Zöstere en ómgaeving.
Eder jaor waere d’r väör de leje ’n tieëntal aovendje geörganiseerdj róndj – meistes- Limburgse óngerwerpe, wobie de Limburgse taal natuurlik centraal stuitj.
Daonaeve weurtj ouch geperbeerdj de luuj boete de vereniging te bereike mit de oetgave van ’n waordebook en ’n taalmethode väör de sjoaljeug, ’t verzörge van ’n waekeliks programma op de locale radio, en ’t jaorliks aanbeje van ‘ne laes- en sjriefcursus.
Verder kènne de toneelvereniginge, de Echter Revue, en de vastelaovesvereniginge raekene oppe belangstèlling en steun van “Veldeke Krink Ech”, ómdet zie ouch op hun meneer ’n belangrieke biedrage levere aan ’t laeventjig haoje van ’t dialek.
Óm ’t gebroek van ’t dialek ónger de jeug te stimulere waere väör de sjoaljeug eder jaor zoawaal in Ech es in Zöstere declamatiewedstrieje geörganiseerdj en is d’r aan de sjoale es hulpmiddel de Echter versie van “Dien Eige Taal” aangebaoje.
Tenslotte kèntj g’r de leje van de Krink aansjete es g’r óm hulp verlaege zitj es g’r bie belangrieke gebäörtenisse in eur laeve get in eur eige taal op pepier wiltj zitte.
Op dees meneer wiltj “Veldeke krink Ech” ’n biedrage levere in de algemein geveuldje behoefte óm zich in de stieëds groter waerendje waereldj gebórge te weite in ’n culturele gemènsjap mit ’n eige identiteit wo men zich mit kan vereinzelvige. ’t Dialek is dao de uting van bie oetstek!

Tót de krink Ech behuuere:
Aw Kirk, d’n Aosterberg, Baakhaove, Berkelieër, Brach, de Boesj, de Baek, Deetere, de Deelgaard, Ech, Echterbos, Gebrook, G’n Oea, ’t Hènge, de Hei, Illikaove, Sint Joas, de Laak, Mariaveldj, de Nuujstadt, Ophaove, Pej, Pötbrook, Roostere, Sjaelberg, de Slek, Spaanshuuske, Staeveswaert, Vèsserswaert, Zöstere



Veldeke Kring Echt werd opgericht in 1977 en heeft ongeveer 200 leden uit de gemeente Echt-Susteren. Elk jaar worden er voor de leden een tiental avonden georganiseerd rond - meestal - Limburgse onderwerpen, waarbij de Limburgse taal natuurlijk centraal staat. Daarnaast wordt ook geprobeerd mensen buiten de vereniging te bereiken met de uitgave van een woordenboek en een taalmethode voor de schooljeugd, het verzorgen van een wekelijks programma op de lokale radio en het jaarlijks aanbieden van een lees- en schrijfcursus. Verder kunnen de toneelverenigingen, de Echter Revue en de carnavalsverenigingen rekenen op belangstelling en steun van "Veldeke Kring Echt", omdat zij ook op hun manier een belangrijke bijdrage leveren aan het levendig houden van het dialect. Om het gebruik van het dialect onder de schooljeugd te stimuleren worden voor de schooljeugd elk jaar zowel in Echt als in Susteren declamatiewedstrijden georganiseerd en is er aan de scholen als hulpmiddel de Echter versie van "dien eige taal" aangeboden. Tenslotte kunt u de leden van de kring vragen als u om hulp verlegen zit als u bij belangrijke gebeurtenissen in uw leven iets in uw eigen taal op papier wilt zetten. Op deze manier wilt "Veldeke Kring Echt" een bijdrage leveren in de algemeen gevoelde behoefte om zich in de steeds groter wordende wereld geborgen te voelen in een culturele gemeenschap met een eigen identiteit waarmee men zich kan vereenzelvigen. Het dialect is daar de uiting van bij uitstek.

Tot de kring Echt behoren de volgende plaatsen (hierbij geen vertaling, die kunt u vinden als u gaat fietsen of wandelen door onze mooie gemeente op de betreffende plaatsnaamborden).
Aw Kirk, d’n Aosterberg, Baakhaove, Berkelieër, Brach, de Boesj, de Baek, Deetere, de Deelgaard, Ech, Echterbos, Gebrook, G’n Oea, ’t Hènge, de Hei, Illikaove, Sint Joas, de Laak, Mariaveldj, de Nuujstadt, Ophaove, Pej, Pötbrook, Roostere, Sjaelberg, de Slek, Spaanshuuske, Staeveswaert, Vèsserswaert, Zöstere

"Vereniging tót instandjhaojing van de Limburgse dialecten en volkscultuur"